Inundaziuns desastrusas

Cur cha la Chamuera ho devasto al cumanzamaint dal 20evel tschientiner danövmaing pros e chesas,ho ün pur finanzcho üna prüma correctura dal cuors da la Chamuera e da l’En. Decisiva es steda la chanalisaziun totela da l’En l’an 1945 davent da l’imbuochadüra dal Flaz a Samedan fin a La Punt.

L’ultima granda inundaziun da l’En es steda dal 1960. L’inter terrain traunter La Punt e Bever es sto suot ova. Daspö haun las imsüras da fabrica tar l’En e la Chamuera evito nouvas catastrofas.

Que es intschert scha La Punt es protet per adüna d‘inundaziuns.