Parts da la vschinauncha

Chamues-ch es l'abitedi principel da las duos parts da la vschinauncha. Minchataunt vain rapporto cha Chamues-ch hegia existieu aunz cu La Punt. Documento vain Chamues-ch per la prüma vouta i'ls ans 1137/39. Quella vouta ho l’uvas-ch da Cuira cumpro ils bains in Engiadin‘Ota dals cunts da Gamertingen, e tiers quels tuchaiva eir Chamues-ch. A vain quinto cha’l cho da la punt a La Punt sajagnieu fabricho intuorn l’an 1440; la colliaziun cun Chamues-ch d’eira fatta. Intaunt cha gnivan a ster a La Punt sper l’En las famiglias benestantas, abitaivan a Chamues-ch surtuot purs.