1137 / 1139 - 1525

Per l’istorgia tampriva da La Punt Chamues-ch vela il listess scu per l’inter territori da las Alps orientelas.

1137 / 1139
L’uvas-ch Conrad da Cuira cumpra La Punt dals conts da Gamertingen (Svevia).
Chamues-ch es manzuno cul nom “Campolovasco“. L’interpretaziun "Champ da l'uvas-ch" nu tuorna però.
Ulteriurs manzuns da la vschinauncha in "Ils Terms" da Dr. J. Robbi, Cuira 1916, stamparia Sprecher, Eggerling & Co.: 1293, 1296, 1297, 1298, 1370, 1382 etc.

1251
Adam da Chamues-ch. El d’eira il vschin il pü cuntschaint da Chamues-ch ed el ho cuppo il nosch chastlaun da Guardaval (il chastè sül grip sur Madulain chi’d es gnieu fabricho dal 1251 da l‘uvas-ch Volkard von Neuenburg da Cuira). Grazcha a quist act eroic es gnida delibereda l’intera regiun dad oppressiun e sclavitüd.

1438
As ho separo l’Engiadin’Ota in Sur e Suot Funtauna Merla. La Punt Chamues-ch tuocha tiers Suot Funtauna Merla cul lö principel Zuoz. Las Agnas – ün lö da grand‘importanza politica e culturela düraunt püs tschientiners - es sün territori da Bever.

1525
Philipp Galizius da Chamues-ch ho cumanzo davent da cò la refurmaziun in Engiadina. Ün da sieus pü grands adversaris d’eira il decan Bursella da Chamues-ch; quel s'ho eir partecipo a las dispüttas da Glion l’an 1526.

1137 / 1139 - 1525

Kontakt

Öffnungszeiten