La chesa Serlas

Scu viandant illa Val Chamuera nu’s po eviter da passer speravi ün edifizi majestus cun ün'architectura perfetta. Dandettamaing s’alvainta il fabricat müravglius e sto illa cuntredgia scu striuno. Que as tratta da la Chesa Serlas chi’s rechatta in Serlas sün territori cumünel da La Punt Chamues-ch.

L’aspet d’üna tela chesa bod aintasom la Val Chamuera sün 2016 m s.m. es surprendent, ed a vain adüna darcho speculo davart il scopo da quist implaunt chi’s rechatta a l’ur d’üna chavorgia.