A d’eira ils ans 30 cur cha regnaiva a La Punt Chamues-ch ün dischuorden morel. Ils homens giaivan regulermaing a l’ustaria e bavaivan bravamaing alcohol. Suvenz giaiva que a glivrer cun dispüttas, inua cha d’eiran involvos cò e lo eir da quels da Madulain, Zuoz e S-chanf.

Suvenz daiva que pluntedas, e preferidamaing capitaiva que illas ustarias da l’Adler e da la Krone. Differentas famiglias vaivan adüna dispütta ed occupaivan cun que d’ün cuntin il tribunel d’Engiadin’Ota.

Sün basa da quels evenimaints s'ho sviluppo quella vouta il nom Klein Chicago. Il nom es resto, ma ils temps sun dvantos meglders.