Rumauntsch

La Punt Chamues-ch es oriundamaing rumauntsch, scu que cha'l nom demuossa auncha hoz. Bod la mited dals abitants, nempe 45 pertschient, discuorran lur lingua oriunda. Ulteriurs 45 pertschient da la populaziun discuorra tudas-ch. La magiurited es bilingua. Chi chi vo per exaimpel in chesa cumünela,vain arvschieu il prüm in lingua rumauntscha. E que cun bun motiv: La fin da l’an 1983 es il rumauntsch dvanto lingua ufficiela. Dal 1994 ho eir il tudas-ch survgnieu quel status. Perque do que tuot ils reglamaints in tuottas duos linguas.