Per garantir ün andamaint reglo da la scoulina fin in 6evla classa velan las seguaintas reglas:
| Apparats electronics | Telefonins, players MP3 ed oters apparats electronics sun scumandos düraunt tuot il temp da scoula, e que in chesa da scoula e sün l'areal da scoula. Düraunt ils viedis da scoula decida la persuna d'instrucziun, scha apparats electronics sun permiss. Smartwatches paun gnidas purtedas düraunt l'instrucziun. Ellas staun esser müttas e paun gnir druvedas be per ler l'urari. |
| Vestimainta | Per princip nun haun ils iffaunts aint trainers düraunt l'instrucziun. Oter cu scha que ho lö ün'occurrenza sportiva. D'inviern paun ils iffaunts avair aint üna chotscha da trainer suot la chotscha da skis. Düraunt las lecziuns es que scumando da purter caps, chapütschas e capuzas. |
| Proviant | Düraunt las lecziuns es que scumando da tschicker. La scoula cussaglia ils genituors da preparer üna marenda sauna per lur iffaunts. |
| Curtels, battafös | Curtels ed battafös da tuots geners sun scumandos a scoula. |
| Veiculs | A partir da la primara po gnir fat il viedi da scoula cun ün veicul (trottinet, velo, skateboard etc.). La scoula scussaglia quelo ad iffaunts da scoulina. Düraunt las posas nu paun gnir druvos ils veiculs. La scoula cussaglia da purter üna chaplina. Tar occurrenzas da sport da la scoula es la chaplina obligatorica. |
| Gös | Que es permiss da bütter buorlas da naiv be in lös definieus. Que es scumando da trer la ballapè cunter las fnestras. |
Apparats electronics scu eir curtels e battafös vegnan retrats da las persunas d'instrucziun ed ils genituors staun gnir a piglier quels tar la direcziun da scoula.
