Dis da joker
Mincha scolar(a) po dispuoner da trais dis da joker per an scolastic. Quist contingent po gnir retrat scu dis inters u eir be mezs dis, e que sainza güstificaziun. Premissa es cha'ls genituors comunicheschan la retratta d'ün di da joker in scrit tar la magistra u tal magister almain ün di da lavur aunz. A nu do üngüns dis da joker:
- pel prüm e l'ultim di da l'an scolastic,
- per occurrenzas da scoula specielas (p.ex. bös-chin, Chalandamarz, di da skis...)
Congedi
Per cas speciels po la persuna d'instrucziun conceder ün di da congedi, la direcziun da scoula fin a 15 dis, cumpensand culs dis da joker.
Absenzas causa malatia u occurrenzas familieras importantas
In cas da malatia po la direcziun da scoula pretender zieva trais dis ün attestat dal meidi. Visitas tal meidi stöglian gnir fixedas scha pussibel düraunt la prüma u l'ultima lecziun. Absenzas haun da gnir annunzchedas il pü bod pussibel a la persuna d'instrucziun.
Absenzas causa mortori illa famiglia pü stretta
Per garantir ün andamaint reglo da la scoulina fin in 6evla classa velan las seguaintas reglas:
- L'absenza es d'inoltrer scha pussibel a temp ed in scrit.
- Scha las circunstanzas scolasticas permettan, vain concess la seguainta absenza als scolars (sün dumanda dals genituors e sainza cumpenser culs dis da joker) ed a la persuna d'instrucziun (sainza reducziun da peja e da vacanzas):
- Tar mortoris illa famiglia pü stretta maximelmaing 3 dis.
- In tuot ils oters cas decida la direcziun da scoula.
Per la cumpensaziun da la materia manchanteda sun ils scolars e lur genituors respunsabels.
